** اكرهكـ واحبكـ **

قصيدة اعجبتني فحبيت أنقلها لكم :

واهديها الى من ملك فلبي وعقلي



أكرهك وأحبك ولا أبيـك وأبيـك*** لخبطت فكري ماعرفت الحقيقة

ماتوقعت أعشقك في يوم وأغليك *** لين ماحبك أشعل بقلبي حريقـه

تاهت بحوري وأنا أدور موانيك*** والروح بغيابك وبعـدك غريقـة

والقلب يتبع بالمشاعر خطاويـك *** ودروب غيـرك تشكـي الضيقة

راضي بتعبك وأتحمـل بلاويـك *** وماطيق غيرك ولا حتى دقيقـه

أنسى إني أكون بيـوم ناسيـك*** محد(ن) بعد المحبة ينسى عشيقه

يفز قلبي لاجابو الناس طاريـك*** حبك قدر عمري ونورك طريقـه

أهديك كلي وأنا وكلـي لمعاليـك *** وأهديك كل الورد وأحلى رحيقـه

من قال ماحبك ولا أبيـك وأبيـك*** هذي خرابيط شاعر بحكم السليقة

ولا الحقيقة تراني مبتلـي فيـك *** مثل ظامي يحتري من يبل ريقـه

وآخرها تذكرني ليا هلت لياليـك *** أنت حبيب القلب وأنت صديقـه



لكم ودي و ورد حبي